Comezamos o curso escolar anunciando que, coma fixemos nos últimos catro anos, retomamos as actividades de fomento das Artes Escénicas no noso instituto. Por este motivo queremos ir avisando de que a próxima semana convocaremos aos interesados e ás interesadas no grupo de teatro, que se desenvolve os mércores pola tarde, e tamén ao noso coro escolar.
Sinalar que este ano intentaremos facer dúas seccións do coro, unha para o alumnado de Bacharelato e outra para o alumnado da ESO. E todas as persoas integrantes serán benvidas aos ensaios dos martes ao mediodía, que terán lugar como mínimo unha vez ao mes.
A reunión para formar parte do coro do IES Afonso X O Sabio terá lugar o próximo mércores durante o segundo recreo na aula de Música I. Cando teñamos os horarios definitivos poñeremos os ensaios dos recreos, tanto da ESO coma de Bacharelato.
A reunión para formar parte do grupo de teatro terá lugar o venres no segundo recreo da ESO e no recreo de Bacharelato, no salón de actos.
0 comentarios:
Publicar un comentario